თავაზობთ 7 საინტერესო ფაქტს სიზმრების შესახებ, რომლებიც აქამდე არ იცოდით.
1.) ძილის მეშვეობით შეგიძლიათ აითვისოთ სასწავლი მასალა
იმის ნაცვლად, რომ ტესტირების (საკონტროლოს ან მოხსენებს წაკითხვის) წინა ღამე მეცადინეობაში გაატაროთ, გირჩევნიათ ჩვეულებრივზე ერთი საათით ადრე დაიძინოთ. ჰარვარდის სამედიცინო სკოლის წარმომადგენლებმა დაადგინეს, რომ როდესაც ჩვენი ტვინი სიზმრებს ნახულობს, ეს გვეხმარება ახალი მასალის უკეთ ათვისებასა და რთული პრობლემების გადაწყვეტაში. ეს ხდება იმიტომ რომ ძილის დროს ადამიანის ტვინი არჩევს, ამუშავებს და ითვისებს ახალ ინფორმაციას.იმისთვის რომ თქვენი ძილი იყოს ღრმა და მშვიდი და, შესაბამისად, ახალი ინფორმაციის ათვისების ხარისხი გაუმჯობესდეს, გამორიცხეთ ნებისმიერი ხმაური საძილე ოთახში. იგივე ტელევიზორი უარყოფითად მოქმედებს სიზმრების ნახვის სიხშირესა და ხარისხზე.
2.) ყველაზე გავრცელებული სიზმარი
როგორც აცხადებს სიზმრების ექსპერტი და მედიუმი ლორი ლოენბერგი, ყველაზე გვარცელებული სიზმარია მეუღლის ან საყვარელი ადამიანის ღალატი (ხშირად თქვენს საუკეთესო მეგობართან).მან გამოკითხა 5 000 ადამიანზე მეტი და აღმოაჩინა, რომ სწორედ პარტნიორის ღალატი არის ყველაზე გავრცელებული სიზმარი ყველა სქესისა და ასაკის ადამიანებს შორის. ხანდახან ამ სიზმრებს რეალური საფუძველი აქვთ, მაგრამ უფრო მეტად რეალობასთან არანაირი კავშირი არ გააჩნიათ.
3.) ერთი ღამის განმავლობაში რამდენიმე (თორმეტამდე) სიზმარს ნახულობთ.
ექსპერტების თქმით, ერთი ღამის განმავლობაში რამდენიმე სიზმარს ვნახულობთ, თუმცა ყველას რა თქმა უნდა ვერ ვიმახსოვრებთ. ღამის განმავლობაში ყოველ 90 წუთში ერთხელ ვნახულობთ სიზმრებს, და ყოველი მომდევნო ციკლი წინაზე უფრო ხანგრძლივია. თქვენი პირველი სიზმარი გრძელდება დაახლოებით 5 წუთს, ხოლო ბოლო – 45 წუთიანია. ეს ნიშნავს იმას, რომ მთელი სიცოცხლის განმავლობაში ადამიანი დაახლოებით 100 000 სიზმარს ნახულობს.
4.) გაღვიძებისას შეგიძლიათ იოცნებოთ
ოდესმე გაღვიძებულხართ საოცრად ლამაზი სიზმრისაგან, ისე, რომ გაღვიძება აღარ გინდოდათ? თქვენ წარმოიდგინეთ, შეგიძლიათ გაღვიძების მერეც გააგრძელოთ ეს სიამოვნება. არ გაინძრეთ, დარჩით ლოგინში იგივე მდგომრეობაში და რამოდენიმე წუთში ისევ დაუბრუნედებით თქვენს ოცნებას.
5.) ყველაზე არარეალური სიზმარიც კი შეგვიძლია ავხსნათ
ფსიქოტერაპევტი ჯეფრი სტამბერი ჰარვარდიდან ამბობს, რომ ყველა სიზმარს, არარეალურსაც კი, შეიძლება ჰქონდეს სიმბოლური მნიშვნელობა და შეიძლება ახსნილ იქნას. იგი დამოკიდებულია იმაზე, რაც უნდა ვიცოდეთ საკუთარ თავსა და გარშემო სამყაროზე. თუ დაგესიმზრათ ძალზე უცნაური რამ, დაფიქრდით, როგორი რეაქცია გქონდათ. ხანდახან უჩვეულო მოვლენები გვესიზმრება იმისთვის, რომ განვიცადოთ ემოციების საჭირო სპექტრი, რომელიც გვაკლია ყოველდღიურ ცხოვრებაში.
6.) სიზმრები, რომლებიც ხშირად მეორდება, აუცილებლად რაღაცის მანიშნებელია
გქონიათ შემთხვევა, როცა ერთი და იგივე სიზმარი რამდენიმეჯერ მეორდება? ლოენბერგი გვაფრთხილებს, რომ განმეორებითი სიზმარი არის მესიჯი საკუთარ თავს, იგი რაღაცის მანიშნებელია. ასე მაგალითად, საკმაოდ გავრცელებულია განმეორებითი სიზმარი, რომელშიც ადამიანს კბილი სტკივა. გასათვალისწინებელია, რომ კბილები და პირი ადამიანის სიტყვებს აღნიშნავს. ასე რომ სიზმარი, რომელიც კბილებს უკავშირდება, გვაფრთხილებს: საკუთარ სიტყვებს უნდა დავუკვირდეთ.
7.) თქვენ შეგიძლიათ საკუთარი სიზმრების მართვა
მრავალრიცხოვანი კვლევის შედეგები გვიჩვენებს, რომ ადამიანის უმეტესობას შეუძლია მართოს თავისი სიზმარი. მეცნიერები ამბობენ, რომ სიზმრის მართვა – ესაა უნარი, რომლის განვითარება შეუძლია ყველას. განსაკუთრებით სასარგებლო ეს იქნება იმათთვის, ვისაც საშინელი სიზმრები ტანჯავს.