როგორ შევხვდეთ დრაკონის წელს? - 31 დეკემბერში 2011 -

საიტის მენიუ

მინი-ჩეთი

მთავარი » » როგორ შევხვდეთ დრაკონის წელს?

6:33 PM როგორ შევხვდეთ დრაკონის წელს?
ჩინური კალენდრის მიხედვით, შავი (ცისფერი) წყლის დრაკონის წელი 2012 წლის 23 იანვარს დადგება და 2013 წლის 9 თებერვალს დასრულდება. დრაკონი წარმატებასა და სასიამოვნო ცვლილებებს გვპირდება. წლის მბრძანებელი სიცოცხლის, სიმდიდრისა და ჰარმონიის სიმბოლოა. ამ წელს მოსალოდნელია ბუნებრივი კატაკლიზმებიც: მიწისძვრა, წყალდიდობა, ხანძარი. არ დაგავიწყდეთ, რომ 2012 წელი ნაკიანია. 12 საათის დადგომამდე რამდენიმე წუთით ადრე აანთეთ სანთელი, მადლობა მოახსენეთ კურდღლის (2011) წელს და ახალ წელს სურვილი ჩაუთქვით. როგორ მოვრთოთ სახლი 2012 წლის წლის სტიქია წყალია. ამიტომ, ბინა ზღვის ვარსკვლავებითა და ნიჟარებით მორთეთ. დეკორში გამოიყენეთ თევზისა და რვაფეხას გამოსახულებები. ახლობლებს თიხისა და ხისგან დამზადებული დრაკონის გამოსახულებები მიართვით. ერთი დრაკონი თქვენთვისაც დაიტოვეთ. იგი ან თაროზე შემოდეთ, ან მაცივარზე მიაკარით (არავითარ შემთხვევაში არ დადგათ დრაკონის ფიგურა საძინებელში). სადღესასწაულო სუფრა ახალ წელს ოჯახში, მხიარულ გარემოში შეხვდით. უნდა ისმოდეს ენერგიული მუსიკა. ერთმანეთი გაართეთ. საახალწლო სუფრა ყვითელ, მწვანე და შავ ფერებში გააწყვეთ. წლის მბრძანებელს სუფრაზე ნუ დაახვედრებთ კონსერვებს. დრაკონს ახალი ხილისა და ბოსტნეულის სალათები დაახვედრეთ. საახალწლო სუფრაზე აუცილებლად უნდა გქონდეთ თევზისა და ხორცის კერძი და გოგრის (თაფლითა და ლიმონით შეზავებული) დესერტი. სუფრა დახუნძლული უნდა იყოს კერძებით. სასურველია, დიასახლისმა სტუმრების თვალწინ რომელიმე კერძს (ხორცისას ან ხილისას) ალკოჰოლური სასმელი მოასხუროს და ცეცხლი მოუკიდოს. რა ჩავიცვათ დრაკონის წელს შეგიძლიათ წითელ-ყვითელ-მწვანე ფერებში შეკერილ სამასკარადო სამოსშიც შეხვდეთ, მაგრამ აუცილებლად უნდა გქონდეთ შავი დეტალიც. წყლის სტიქიის მიხედვით, წლის ძირითადი ფერებია: ცისფერი, ლურჯი, შავი. დრაკონს ჭყეტელა ფერები (წითელი, ყვითელი) უყვარს. ასე რომ, მწვანე კაბაზე შეგიძლიათ ფორთოხლისფერი აქსესუარები გაიკეთოთ. თუ გსურთ, სულიერ ჰარმონიას მიაღწიოთ, სადღესასწაულო სამოსში ცისფერი და მწვანე უნდა ჭარბობდეს; თუ გინდათ, რომ გამდიდრდეთ, შავს ოქროსფერი შეუხამეთ. შემოქმედი ადამიანები ყვითელ-შავ-ფორთოხლისფერში გამოეწყვეთ. ვინც მეორე ნახევრის პოვნაზე ოცნებობს, წითელი, იასამნისფერი და მწვანე სამოსი უნდა ჩაიცვას. მანდილოსნებმა ძვირფასი სამკაულები უნდა გაიკეთონ - არავითარი ბიჟუტერია! ეცადეთ, რომ სადღესასწაულო მაკიაჟიც, მანიკიურიც და ვარცხნილობაც (გამოიყენეთ მბზინვარე ფრჩხილის ლაქი, თმის მუსი და ტანის ლოსიონი) მკვეთრი და ბრჭყვიალა გქონდეთ. დრაკონის წელში დაბადებული ცნობილი ადამიანები არიან: ედუარდ შევარდნაძე, ედგარ პო, ომარ ხაიამი, ოსკარ უაილდი, სალვადორ დალი, კრისტიან დიორი, ზიგმუნდ ფროიდი, მარლენ დიტრიხი, ჯონ ლენონი, ფრანსუა მიტერანი, ალ პაჩინო, პელე და სხვები... და ბოლოს ყველას გილოცავთ მთელი სულითა და გულით ახალ წელს :) დაესწარით მრავალს :)
1 2 3 4 5 კატეგორია: სხვა .. \| ნანახია: 947 \| დაამატა: NinY♥ \| რეიტინგი: 0.0/0