შენ რომ იცოდე

შენ რომ იცოდე, რას ამბობენ შენზე ღმერთები
რატომ შეშურდათ იებს შენი მორცხვი სინაზე,
თუ გამიმხელენ ეგ თვალები ოდესმე ცრემლებს
აღარასოდეს აღარ დავწერ ალბათ წვიმაზე.

შენ რომ იცოდე,რატომ სვამენ ლოთები ღვინოს
რატომ კვდებიან პოეტები შებინდებისას,
ნუ მებუტები ძალიან გთხოვ, ცხოვრებით დაღლილს
საფლავზე მოდი ყვავილებით, შერიგებისას.

შენ რომ იცოდე,როგორ მიყვარს შენი სიცოცხლე
ამ წრფელი გრძნობით უდიერად ღამეს გავათევ,
მოდილიანიც ვერ დაგხატავს ჩემებრ ლამაზად
როგორ მიყვარხარ ამ ფურცელზეც ვეღარ დავატევ.

***
სულელო...
ღამეა და ამეკვიატე,
წერილი ჩემიდან შენამდე მესიჯად,
მოვა და ერთ დილას კვლავ გაგილამაზებ,
სიყვარულს დაგიფენ სუნთქვასთან სხივებად.
ოცნებებს არ ვეტრფი და როგორც არასდროს,
ვგრძნობ, უკიდეგანო-მე, რეალისტი ვარ,
ხვალ სიო დაკეცავს გაშლილ ფრთებს სანაცვლოდ,
ვითხოვ და სიზმარშიც თვალებში ჩაგხედავ.
სულელო...
მსურდი და დღეს აგიკვიატე,
დღე არა, ღამეა, ჩურჩულის საათი,
ქვაფენილს ფეხდაფეხ, რომ ავეტიალე,
ფიქრებად კი არა, სურვილის ნაფაზით...
გრძნობებით თამაში არ-ჩემეულია,
სულელურ ფრაზებით არ მინდა მოგხიბლო,
ამ წერილს უბრალოდ, მესიჯად ვაგზავნი,
სამ სიტყვად:
მიყვარხარ!
მიყვარხარ!
სულელო.

***
- პატარა ბავშვების საუბარი:

- გოგო - გიყვარვარ?

-ბიჭი - კი, მიყვარხარ!

-გოგო - ისე როგორც დიდებს უყვართ ერთმანეთი?

-ბიჭი - არა! მე მართლა მიყვარხარ!