ცნობილი ამერიკელი მომღერალი ტეილორ სვიფტი ავტორიტეტულმა მუსიკალურმა ჟურნალმა Billboard-მა "წლის ქალად" აღიარა.
ტეილორი ყველაზე ახალგაზრდა ქალბატონია, რომელსაც Billboard-მა ეს ტიტული მიანიჭა. დღემდე "წლის ქალები" სიარა, ბიონსე და ფერჯი იყვნენ.
ტეილორ სვიფტი 4 "გრემის" მფლობელია, მის ალბომ Speak Now-ს გაყიდვების მიხედვით, პლატინის სტატუსი 5-ჯერ მიანიჭეს. ამ ალბომში შესული 14 სიმღერიდან 11 - ერთ კვირაში Billboard-ის ჩარტის საუკეთესო სიმღერების ასეულში მოხვდა.
დღეს მსოფლიოს მასშტაბით სვიფტის 20 მლნ ალბომია გაყიდული.
"21 წლის ასაკში ტეილორი მუსიკალურ ინდუსტრიაში ერთ-ერთი გავლენიანი ვარსკვლავი გახდა, ის უამრავი მუსიკოსის შთაგონების წყაროა", - განაცხადა Billboard-ის უფროსმა რედაქტორმა ბილ ვერდემ.
ტეილორ სვიფტს ჯილდოს 2 დეკემბერს, ნიუ-იორკში გადასცემენ.
|
360
823
600
