|
|
მთავარი » 2011 » ნოემბერი » 7 » სცენაზე წაქცეული ლედი გაგა და სატელიტი კაბის ნაცვლად - MTV EMA -2011-ის დაჯილდოების დეტალები
8:15 PM სცენაზე წაქცეული ლედი გაგა და სატელიტი კაბის ნაცვლად - MTV EMA -2011-ის დაჯილდოების დეტალები |
MTV EMA-2011-ის დაჯილდოების ცერემონია გუშინ ბელფასტში, ჩრდილოეთ ირლანდიაში გაიმართა.
შოუზე სრული ფურორი ლედი გაგამ მოახდინა. მან ჯილდო 4 ნომინაციაში მოიპოვა და ისეთ ვარსკვლავებს აჯობა, როგორებიც არიან ბიონსე, ჯენიფერ ლოპესი, კეტი პერი და სხვები.
ექსტრავაგანტულმა ლედი გაგამ საზოგადოება თავისი სამოსით შოკში ჩააგდო. მაგალითად ერთ-ერთი კაბა, რომელიც ლედი გაგას ეცვა რკინისგან იყო შექმინილი და ძალიან ჰგავდა სატელიტს. მისი ბოლო მთლიანად ფარავდა მომღერლის სახეს.
გამოსვლას "დაუგეგმავი შემთხვევის" გარეშე არ ჩაუვლია. ერთ-ერთი გამოსვლისას მომღერალი მთვარის მსგავს მაკეტზე დადიოდა, უეცრად ფეხი დაუცურდა და პირდაპირ ჟიურის წინ დავარდა.
მამაკაცებს შორის უდაო ლიდერად თინეიჯერი მომღერალი ჯასტინ ბიბერი დაასახელეს, რომელმაც სამ ნომინაციაში გაიმარჯვა. მასთან ერთად იმყოფებოდა მისი მეგობარი გოგო, სელენა გომესი, რომლის ცეცხლოვანმა ნომერმა მაყურებლები ძალიან ააღელვა და აპლოდისმენტებიც დაიმსახურა.
ძალიან წარმატებული და ამაღელვებელი იყო როკ-ჯგუფ Queen -ის გამოსვლა, რომელიც წელს "სცენის კულტად" აღიარეს. ჯგუფმა რამდენიმე ჰიტი შეასრულა. მათ შორის ყველაზე დიდი აჟიოტაჟი We Will Rock You და We Are the Champions-ს მოყვა, ამ ორ სიმღერას მთელი დარბაზი აჰყვა.
მონაწილეებმა და მაყურებლებმა პატივი მიაგეს გარდაცვლილ მომღერალ ემი ვაინჰაუზსაც, რომლის საპატივსაცემოდ პატარა ვიდეორგოლიც გავიდა.
ჯილდოები კი ასე გადანაწილდა:
საუკეთესო შემსრულებელი ქალი - ლედი გაგა
საუკეთესო სიმღერა - ლედი გაგა Born This Way
საუკეთესო ვიდეო რგოლი - ლედი გაგა Born This Way
საუკეთესო შემსრულებელი მამაკაცი - ჯასტინ ბიბერი
საუკეთესო პოპ-შემსრულებელი - ჯასტინ ბიბერი
საუკეთესო ახალი არტისტი - ბრუნო მარსი
საუკეთესო როკ-შემსრულებელი -Linkin Park
საუკეთესო ალტერნატიული ჯგუფი -30 Seconds to Mars
საუკეთესო ჰიპ-ჰოპ შემსრულებელი - ემინემი
საუკეთესო ცოცხალი შესრულება - კეტი პერი
საუკეთესო საერთაშორისო გამოსვლა - 30 Seconds to Mars
საუკეთესო შოუ ჩრდილოეთ ამერიკაში - ბრიტნი სპირსი
საუკეთესო საერთაშორისო არტისტი -Big Bang
მსოფლიო კულტი - Queen
MTV-ს რჩეული - ჯასტინ ბიბერი
|
|
კატეგორია: სიახლეები .. |
ნანახია: 974 |
დაამატა: NinY♥
| რეიტინგი: 5.0/1 |
|
360
823
600
