|
მთავარი » 2012 » იანვარი » 21 » news.
|
ბრიტანული საიტის Lucky Voice-ის მომხარებლებმა, რომელიც მათ ონლაინ-კარაოკეს სერვისს სთავაზობს, ”კარაოკეს დედოფალი” აირჩიეს. თითქმის ყოველი მეოთხე ბრიტანელი ადელის სიმღერებს ანიჭებს უპირატესობას. რესურსის ბაზაში, სადაც 100 000-ზე მეტი მომხმარებელია დარეგისტრირებული, სამი მლნ სიმღერა ინახება. სიმღერას "Someone Like You" მომხმარებელთა 14% ირჩევს. მეორე ადგილზეა ადელის ქავერი "Make You Feel My Love". კარაოკეში მას მომხმარებელთა 10% უკვეთავს. მესამე ადგილი დაიკავა დევიდ ბოუის კომპოზიციამ "Heroes". ხუთეულში მოხვდა ასევე ჯგუფ One Direction-ის სიმღერა "What Makes You Beautiful" და ჯესი ჯეის "Price Tag". ადელის მეორე ალბომი, რომელშიც კომპოზიცია "Someone Like You" შევიდა, 2011 წლის მსოფლიოს ყველაზე გაყიდვადი ალბომი გახდა. მისმა ტირაჟმა 17 მლნ ეგზემპლარს გადააჭარბა. შარშან, 8 დეკემბერს, ინტერნეტ-მაღაზია iTunes Store-მა 2011 წლის ყველაზე გაყიდვადი რელიზების სია გამოაქვეყნა. 23 წლის ადელი წლის არტისტად აღიარეს. მის სინგლს "Rolling in the Deep" ყველაზე ხშირად იწერენ ინტერნეტიდან. ცოტა ხნის წინ ჟურნალმა Rolling Stone-მა ადელის დისკი "21" საუკეთესო ალბომად დაასახელა, ჰიტი Rolling In The Deep კი - საუკეთესო სიმღერად.
პოპ-მომღერალი რიანა და ჯგუფი Coldplay მუსიკალური "გრემის" გადაცემის ცერემონიაზე ერთად იმღერებენ. რა კომპოზიციას შეასრულებს მომღერალი, ჯერჯერობით უცნობია. რიანასა და Coldplay-სთვის ეს თანამშრომლობის პირველი მცდელობა არ არის. პოპ-მომღერალი Coldplay-ის ბოლო ალბომის "Mylo Xyloto" ჩაწერაში იღებდა მონაწილეობას. რიანას ხმა სიმღერაში"Princess of China"ისმის. ”გრემის” გადაცემასთან დაკავშირებით გამართულ კონცერტში სერ პოლ მაკარტნიც მიიღებს მონაწილეობას. ღონისძიებაზე ტეილორ სვიფტი, Foo Fighters, ნიკი მინაჟი, ბრუნო მარსი, კელი კლარკსონი იმღერებენ. ცერემონიას LL Cool J-ი წაიყვანს. ”გრემის" გადაცემის ცერემონია 12 თებერვალს, ლოს-ანჯელესში, Nokia Theatre-ში ჩატარდება. მომზადებულია Billboard-ის მიხედვით.
|
კატეგორია: სიახლეები .. |
ნანახია: 833 |
დაამატა: NinY♥
| რეიტინგი: 0.0/0 |
|